Posted by: hanuof | 12/06/2010

خربشه..

 

اهلييين مدونتي الحبيييه

 كنت اببعد فتره الاختبارات عن المدونه بس مااااقدر

 خصوصا  لاكنت طفشااانه من الدراااسه

ابي اسااافر لعالمي المجنووون =)

 اليوم اول اختبار لي كان principle of management

الحمدلله كااان الاختبار واايد حلو بس تدروون في اشياء تعكر المزاج

 يعني نسيتIDوخلوني ادش القاعه بعد 10 دقايق 

وبطني كاااااااااااااااان يالمني الف..

ولادشييت كلش مافي تفاهم عندي غمضي و123 وحطي دويره

لاتصدقوووون تراني شاطره\\ بس يبيلي رص شوووي

 .

.

قاعده اسمع ميووزك ابي احطه هني بس مو عارفه يمكن بالنهايه اعرف وتسمعونها

لاطفشت احط الهيدفون باذني<<يعني على خشمج مثلا؟؟

 واطووول الصوووت حدددددده

احس اني بعالم ثاااني ماسمع ولا كلمه من الي حولي

ولاكاانت هااديه احسهااا تنقلني لعالم…..

لالا مو عالم ..تخليني ارحل لعالم من الذكرياااات والاحلام وعدد لانهائي من التخيلات

 .

 

.

على طار التخيلات اخوي “علي

هذا علي 🙂

طالع بطلعه هالشهرين

دايم يقول صديقي احمد عنده وانا شفته

وانا رحت بيته ولا شاف شي بالتيفي يقول صقيقي وصقيقي..

مره شاف غواصه  ببرنامج عااد هو استانس عليها يقول لبابا

 ابي زيها بابا قعد يقوله غاليه وماعندنا مكان ومدري ويش يبي يسكته

 قال ابو صقيقي عنده غواصه وهو يروح يركب مع ابووه ..

هههههههه احس هالاحمد امييييير وعايش فوق غيمه

ومره مندمج يلعب بــ  البي اس بي

شوي يرفع راسه يقول صقيقي راح اليمن<<متاثر برحله طيور الجنه لليمن

انا  عندها فقعت ضحك قلت امووت واعرف

هو زي الي بافلام الكرتون الصديق الخفي ولا جني ياله خبره هالخبر

 ولا من وحي الخيااال

ذاك اليوم كااان مروق الف

قاعد عند ماما وربي ماكذب اكثر من ساعتين وهو يسولف عن هالانسان الي اسمه احمد

وسوااااالف ماتدخل العقل

بس الي يجنني لاقال اسمااااء محلات  حنا ناادر نروحها او مارحناها بالاساس

ولا يقول لماما <<مايسولف لي مايحبني

اعلمج وين بيتهم ؟؟تقوله ماما وين؟؟!!

يقول تمشين تمشييييييييين تششوفيين لفه صح

تمشين سيده هههههههههه

وبعدين تروحين يمين بابهم لونه اسود وابيض

ودي اسمعكم صوته بس لاشاف الجوال ولا الكام يتنح واشحذ الكلمه منه شحذ

 كلشششش ولا ككلمه

 .

تبون الجد ماما تقول كل الاطفال جي

دااايم يتخيلووون

وحتى حناااا لما كا صغار كنا نتكلم جذي

عاااد بصراحه انا للحين اذكر كل شي بس مابخبركم اخاااف تضحكوون علي<<كلش مقطعها الحياا

 برب برووح اتعشى…حياااكم اقلطووو

,

,

,

باااك

ويلكموو حياك يابعد حيي<<ترحب بروحهااا

 .

بابا رجع من الديره الحمدلله على سلامته

المهم يخبرنا ان

في تريله طلعت علييه بس الحمدلله ماااصارفيه شي

على قوله ماما بالحديد ولا بالروح

بس انا ابي افهم هالنااااس ماتتعض ماتخااااف

وقسم كل مره اشوف حااادث تدمع عيني

ملاييين الارواح ترووح ونشوف التجمعاااات الي تصير حولهااا

بس ولا حد متعض انا بصراحه لاحظت كل شبابنا الي  بالعايله يسرعووون

يعني هم لاكانو منتبهين الي بالطريق مو كلهم يمشون عدل

ولا اذا صار شي فجاه كيف  راح يقدر يتصرف وهو بسرعه جنونيييييه

كيف بتريله ياااناااااس

يعني هالمره جت بسيييطه ومافي مشكلله كبيييره

 الله يحفظنااااا ويحفظ اهلناااا

فلنحذر حوووووادث الطريق<<<يمديييكم عالي تنصح

.

يلا انا قايمه انام..

استودعكم الله الذي لاتضيييع وداائعه..

روحووو اسمعوو ميووزك وتخيلووو ترى التخيل يزيييد من معدل التفكير والذكاااء<<معلومه يديده

وقبل بابا يطلع من البيت وصوووه ينتبه للشارع…

تصبحووو على خييير…

Advertisements

Responses

  1. اول شي الحمدلله على سلامة ابوك
    والحمدلله انها بالحديد ومو فيه

    تستاهلون سلامته

    بعدين سالفة علي اخوك >>> فديته والله
    عندنا عينه مثلها بظبت وصديقي واخوي واهم شي البنقالي >>> يابختهم هالبنقاليه فيه من يفكر فيهم

    اسمعوا يشباب ترى هنوف تنصح الله الله بنصايح هنوف لازم اطبقونها >>> بتحصل طق

  2. الحمد لله على سلامة الوالد

    الله يحفظ أخوك الصغير ويجعله من أئمة المساجد يارب

    أسأل الله أن يوفق الجميع في الإختبارات


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: