Posted by: hanuof | 22/07/2010

جبل القاره

 

..بسم الله الرحمن الرحيييم..

اسعد الله ايااامكم حبااايبي..

اسفه تااخرت علييكم وااايد بس انشغلت كثييير

بس جييت لكم بشي حلوو وان شاءلله يعجبكم..

نبدى..

الاحساء الحبيبه الجزء (2)

لطول الموووضوع فتحت تدويينه جديده

اليوم جايبه لكم صور من اشهر الجبال الموجوده بالاحسااء وهو (جبل القاره)

(جبل القاره) بنظري:

مكاان ولا اروع نرى فيه ابدااع الخالق

فكومه الحجاره تلك تمثل شموخا لامثيييل له على مر السنين..

نستشعر عجاائب قدره الله بداخله..يصعب الوصف

 قد تفي بالغرض تلك الصور التي ساطرحها

ولكن لن تصف شعوري او شعوركم او حتى احساسكم

بتدفق الهواء البارد المنعش داخل اجسامكم حتى في فتره الظهيره

عند درجه حراره تتعدى 50..

تبدئ رحلتناا في الصباح عند الساعه 7

كان الجو مره حلووو ومابعد تبدى حراره الشمس ..

وصلنا الى الجبل وكان في تعريف عن الجبل صراحه

 اول مره اقراه يمكن لان كان بنيتي افرجيكم كل حاجه..

شفتو شقد انا طيبه وحنونه وكريمه كمان<<بدت تمن

اممم طبعا المكااان خالي من اي مظهر يبين انه للسيااحه

 او حد يزوووره مافيييه لاماركت ولا حااجه

هذي البوفيه كانت موجوده ولكن مدري وش صار فيها معاد تفتح

هنا نظره للاسفل نلقى الجانب الاخر سبحان الله كله نخيل

وهذا مبنى مدري من كم سنه وهم يبنونه ومو ناوين يخلصونه

 طبعا المكان اتوقع جلسات ومطاعم وجذي

ننطر متى يخلصونه..طبعا هذا الجزء العلوي بس يعني تحت في .

.بس لاني اعلى الجبل مابان الا هذا.

بدينا بالمسير الى داخل وكان في المقدمه هالفصعوون

يمشي وبس حتى لو مايعرف طريقه..

زي ماتشوفوون نمشي طريق يمييل شوي للاىسفل عشان نوصل  المكان المطلوب وهي (المغاره)

ماعرف شقووول بس صخور مصفوفه بمنظر جمالي سبحان الله

حنا وبابا كل ماشفنا صخره نقول يشبه كذا وكذابفرجيييكم بعدين اشكال

وصلنا لفتحه المغاره

وطبعا من مسافه قرييبه يبدى يتغييير الجو بشكل رهيييب

هوااا باااارد يخرج من الداخل..

وهنا نظره للاعلى

نلاحظ كيف الجبال مرصوصه وفتحااااات صغييره مره

هنا مكااان بس للعصاااقيل يقدرون يدخلووونه الدببه يتوهقون لادخلوو

كلهم بالمقدمه وانا شغاله تصوير

 مسكيين هاي اخوي يحااتيني ..لاحظوا عالي بيده

وهنا التقاطه اخرى

وهنا درج ..نصعد للاعلى شوووي …

وهنا كمااان فتحاااات صغيير يخيل لنااا ان خلاص الطريق مسدود ولكن لو حاولنا مرورها بنلقى شي ثاني

نظره الى الخلف ويبين الدرج الي صعدنااااه الشي الحلوو

 ان الشمس شاقه طريقهاااا ومنوره المكاااان

ياحيااتي عليييه اخوووي  باقي ينتطرني ولا لسه شايل بيده الكيس ماحسييييت فيه الا يوم قالي ابي اصور وعطاني الكيس اشيله

شلون كان متحمل ماعرف..يعطيييه العافيييييه..

احسسسه معطي حركه للصوره صح؟؟ شفتو صرت اعرف اسوي سوليت<<اي هين

هذا زقاق مظلم<<تعرفون وش يعني زقاق؟

طبعا كان ظلام ظلام ولا حااجه مبييينه

اشعل حب الاستكشاااف الي بداخلي.قلت ابا ادخل بس هلي عيووو

المهم العناد ماسك راسي قلت بدخل وبديت بالخطوه الاولى وبعدها

صرت اصور بالفلاش عشان اشوف الطريق شوي..

وهذا طريق ثاني كماااان دخلت بروحي..وصورته  بالفلاش

لاحظوو اخوووي في الجهه المقابله

هنا الحمدلله فيه انارات..وواضح المكاااان.شرايكم تبوون تجلسوون هنا؟

اذا تبون لاتنسووون فرشتكم مدري بساطكم مدري شتسمونه لان المكاااان كله غباااار..

هنا شفنا خفافيش تطييربابا صور ميه صوره نبي يبين واحد

بس مابينوا يتغلووون مايبون يطلعون بالصوره

الي عندهم خفاش ولا حديعرف مكان يبيعونه ولا يعطيني خفاش ابحقق له الي يبيييه..

ترى عيد ميلادي 1\10 يعني الي بيتبرع و بيهدييني خفاااش بكووون ممنونه له كثيير..

وانتهت المداخل قصدي خلاص مافي انوار

والناس الي عندي خوافييين ومايحبون يخاطرون بحياااتهم

وبدئنا بالرجوووع ليين بان ضوء الشمس..

تذكرون يوم اخبركم كل ماشفنا صخور قلنا هذا يشبه كذا ويشبه كذا

هنا على قوله بابا محارب روماني..

وهناا راس جمل طبعااا بابا مصور هالصورتين وبعض الصور للامانه

وعشان بابا لاقرى الموضوع  مايعاااايرني<<<خوافه

هذا البطل علووي اول مره يقول لنا صوروني شكله استانس على المكااااان..

وهذي صور بالخارج..

وعند بوابه الدخول والخروج تنتهي تغطيتي للمكان..

<<حتى القفل صورته اشوووه ماحد شافني عييب علي

باقي صور حبه حبتيييين بس..

لان لو سالتوني بقولكم هذا جبل القاره الي فيها المغاره ولكن حووله وبنفس المنطقه شوي جبال صغيروناااااات

عجبوووني عاد ماقدر افوووتهم..ومابااا افتح موضوع جديد عشاان انزلهم<<رجعت لطبعها كسووله

لاتقعدون تتريقون علي..

هذا جزاي مسفرتكم جبل القاره ببلاش حتى اجره السواق انا دفعتها<<يلعن ابو المنه الي كذا

يلا فديييييتكم صيروا عقال وخل نرجع البيت مستانسين..

شو ماعجبببتكم الصوره ؟؟!!

ماسمعتوا المثل الي يقوووول(لا تحقرن صغيرة~~إن الجبال من الحصى)

شرااايكم فيني اعرف اضرب امثااال

وشوفوا هذي حسستني انها دعايه تويوتا مدري ليه

لاتدققون عالسيارت الي ورى..

شرااايكم بالكراج بس؟؟!

ولااحلى صرااحه قولوا ماشاءالله

  اخااااف اروح يووم والقى الجبل متكسر عالسياره..

بااااقي اخر صووووره..

هذا جني الجبل حاااب يسلم علييييكم ويشكركم كثييييير على الزياااره

<<<متاثره بجناني بهلا

.

.

.

.

.

اممممم نجي للجد

استمتعت كثييير وانا التقط الصور

وحسيت بسعااده اكثر وقت اعرض حاااجه حلووه بديرتي

حسيييت بتعب شوووي يوم اعدل الصور ..نسييت التعب  يوم خلصت الموضووع

وراح احس بفرحه وسعااده اكثر لما يعجبكم الموووضع..

اممم الصور من تصويري..ماراح اقول لاحد يستخدم الصور

 ولا راح اقول ممنوع النقل ولا راح اقول استاذنوا وقت تبون تعرضون الموضوع بمكان ثاني

ولكن شي حلوو لو حطيتوا المصدر..الي هو الموقع..وماغيرتوا حقوقي عالصور

وهناا تكوووون نهاايه الموضووووع انهيهااا بكل حب وود موجه اليييكم..

طبعا في اشخاااص خبروني يبون يشوفون هالمكاااان من زمااان..

وماحصلت فرصه الا الحييين اتمنى انهم يقدرون يشوفونه ..

مع تحيات محدثتكم من قلب الحدث((هنووف))

free counters

Advertisements

Responses

  1. هلا هلا نوف

    شلونج

    تسلم ايدج على الموضوع الروووووووووووووووووووعه

    هذا الجبل اللي كنتي تطرينه لي في المنتدى ؟

    انزين يالغالية شلون الطريق ؟ ومن وين اروح ومن وين ادخله ؟

    ما عليه بتعبج معاي 🙂

    تقبلي مروري المتواضع

    • اهليييين اخوووووي

      مشكووور كثييير عالرد

      اي هذا الجبل الي خبرتكم عنه

      سبقتني كنت ابفاجئكم فيه بالمنتدى

      <<تحك راسها ماتعرف توصف

      شوف هو الجبل بالقرى الشرقيه يعني شرق الحسى

      واسم القريه الي فيه القاره

      اتوقع لو سالت مارح تضييع
      <<كلش وصفت هي الحييين

  2. استمتعت كثيرا بموضوعك الاكثر من رائع…
    لي كم يوم اتابع مدونتك…
    لكن
    حبيت اشكرك على كل تدويناتك… وتدوينتك هذه بالذات…باين انها احتاجت شغل كثير….

    جبل قاره…لي فتره اتمنى ازوره… الصراحه لم اتخيل انه سوف يكون بهذا الجمال-سبحان الله- لكن ان شاء الله في المستقبل القريب…تدوينتك هذي خلتني اتحمس اكثر لزيارة الجبل…
    تقبلي تحياتي
    وتقبليني كمتابع جديد لجديدك الرائع…

    • اهلا اخ فييصل متااابع جديد في مدونتي
      واهم حاااجه اعجبك الموضوووع..
      مكااان جمييييل يستحق الزيااااااره
      انصحك به.
      منوور

  3. ما شاء الله تبارك الله

    سبحان الخالق المبدع

    وما شاء الله عليك صور موفقه وتجنننننننننن وبداع ما يوصف

    ومن جد ما قصرتي بينتي جمال الأحساء بصوره رائعه

    وتجنن

    المكان خيالي وهبل من جد يستاهل من يتعناله ويجي يشوفه

    مع مرشد سياحي اسمه هنوف

    بس بدون منه >>>> 🙂

    • هههههههههههه
      افاا عليييك انا متعوووده اممن.؟؟
      بس اذا تعبتييني وماطاوعتيني بعضج
      تسلمييين حبيبتي
      حياااج انتي بس تعالي واوديييج كل مكااان

  4. مشااءالله تبارك الله
    روووووووعه بصرآحه الـصوووور ومشكوووووره على الصوور
    بصرآحه اخواني اللى ردو كفوو بس اللى اقووله …
    مصوووووره مبدعه
    الي الامام بالاحسن
    بالتوفيق

    • بالتوفيييق للجمييييع
      يسلمووو خيوو عالمرور

  5. السلام عليكم

    مرحبـا اختي انا © ƽ ʜ ȧ и ѳ ѳ اللي بالفلكر اذا عرفتيني فهالشي بيسعدني اكييييد

    ابصرآآآحه وااايد حبيييت عالموووصوع

    كنت موجوده بفلكرج

    واللي جذبني اكثثثر لماشفت الرااابط ,ويوم فتحته تسلييت الصراحه بالصووور والتعليقات اللي على الصووور

    يعطييج ربي ألف عاافيه
    وعسى هالابداااع امدييم ان شاء الله

    تحيــأتي

    • فدييييت طلتج يااقلبي اي عرفتج شلووون ماااعرفج 🙂
      يعاااافيييج ربي عالطله منووووره
      فرحتيييني واااايد يوم حبيتييي المووووضووع
      حبتج العافييييييه

  6. بصراحه استمتعت بالمشاهده وقراءات تعليقاتك !
    وصور حلوين ما شاء الله عليك !
    بس ترى الجبل يخوف >< …

    بالتوفيق

  7. مآشآء الله

    الجبل جدآ رآئع خصوصآ من الدآخل

    لكن للآسف مهمل … يحتآج أهتمآآم اكثر ..!

    كل الشكر لك .. جهد ملحوظ

    تسلم الايآدي

    اختك “


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: